يا صبر أيوب
صابر واسمك صابر يا أيوب
أيوب المصري تم اختطافه صباح اليوم من شارع محمود بسيوني في قلب القاهرة واقتياده قسرا الى قسم شرطة قصر النيل، الشهير بواقعة تعذيب الشاب محمد الشرقاوي، حيث بقي أيوب عدة ساعات قبل اقتياده الى عربة ترحيلات تجوب به الآن الطرق الصحراوية بين القاهرة ومحافظة الشرقية
تحري
كلمة دارجة يعرفها كافة المصريون البالغون وبعض الأطفال.. المفهوم العام للكلمة هو أجراء يتخذ للتحقق من شخصية الأفراد الذين لا يحملون بطاقة هوية.. الاجراء يفترض فيه الاحترام فالمتهم بريء حتى تثبت ادانته من ناحية، ومن ناحية أخرى المواطن الذي لا يحمل بطاقة ليس متهما أصلا
التطبيق
يتم اختطاف المواطنين من الشوارع بواسطة أفراد يرتدون ملابس مدنية ويتم ادخالهم قسرا الى سيارات غالبا تكون عربات ميكروباص ذات لوحات مدنية.. لا يكون هناك أيه حوار.. أو أيه سؤال عن تحقيق الشخصية.. يجوب الميكروباص الشوارع بحثا عن مزيد من الضحايا.. معايير الاختيار يحددها الضابط المتخفي في زي مدني.. تعود القافلة الى أقرب قسم شرطة من موقع الاختطاف.. تبدأ الأوامر
أقف عدل با ابن ال.. ، اللي معاه بطاقة يجيبها، اللي معاه موبايل يقفله
تذهب الأسماء الى أقرب مديرية أمن للكشف ان كانت العينة العشوائية من المواطنين من المطلوبين أو الهاربين من أحكام أو تجنيد
ا ن ت ظ ا ر
ا هـ ا ن ة
ا م ت هـ ا ن
تجربة
عشت تلك التجربة كلها منذ شهرين.. كنا نحتفل بعيد ميلاد صديقنا جمال الحادي والعشرين على أطباق فتة الشاورمة بمطعم أبو رامي بشارع سوريا في حي المهندسين – الراقي
بعد العشاء لم تكفي سيارتي كل المجموعة فقرر ثلاثة منهم العودة الى شارع السودان سيرا وانحشر الباقون، منهم جمال، داخل السيارة
بعد خمس دقائق هاتفنا الثلاثة الذين ظنوا أنهم مواطنين، وأن هذه بلدهم، وان بأمكانهم السير ليلا في شوارع المدينة ما داموا يحملون بطاقات هوية
تكرر معهم السيناريو الذي حدثتكم عنه قبل قليل
انقلب عيد ميلاد جمال الى اعتصام صامت أمام قسم العجوزة.. عمرو بيه، الضابط المقيم، احتجزهم متكدسين في مكان قذر أسفل سلم قسم الشرطة الداخلي.. وبدلا من ارسال أسماؤهم الى مديرية الأمن كي يتم التحقق ونعود جميعا الى بيوتنا تركنا عمرو بيه نقضي الليلة أمام القسم وزملاؤنا داخل القسم واختفى هو حتى السابعة صباح اليوم التالي وعاد وقد غير ملابسه واغتسل
اعتذر لي مبتسما وهو يدخل الى القسم أنيق ونظيف بينما اتسخنا نحن واتنكشت شعورنا من الرطوبة وقضاء الليلة في العراء “معلش نسيتكم خالص” ن
أيوب المصري
يدعي قسم قصر النيل أن المواطن المصري رامي صيام صاحب مدونة أيوب المصري متهرب من حكم سجن لمدة عام على ذمة قضية رقم 13874 لسنة 2002 حصر 5346 كلي استئناف694 والتي صدر الحكم فيها بتاريخ 16 مايو 2002
بالتأكيد، ليس رامي صيام المدون هو المقصود هنا.. في الغالب سينتهي الأمر أنه اما تشابه في الاسم الثنائي بين أبناء مصر ال 70 مليون.. أو انها محاولة من أفراد الأمن للتسخيف على رامي بشكل شخصي
سينتهي الأمر ولكن سيدفع أيوب الثمن – من صبره
Arabawy wrote about Ayoub’s arrest in English – Click here
رامي اتاخد عشان تشابه اسماء بينه وبين واحد أخد حكم في قضية التبديد السابق ذكرها
المفترض ان المحامي بعت الورق ونأمل ان الحاجه تخلص على النهارده بالليل او بكرة الصبح بالكتير
Comment by MaLek — 2006/11/19 @ 20:31
ربنا معاك يا رامى
بجد حاجه تقرف اللى بيحصل لينا دا
بس هى الحكايه مقصوده ولا بالصدفه ولا ايه بالظبط؟؟؟؟
وبعدين هو خرج ولا لسه؟؟
عايزين نعرف اخباره ايه
رامى كان معايا الجمعه اللى فاتت وكان مخنوق جدا مهياش ناقصه مشاكل كمان ربنا يستر
Comment by محمد الطاهر — 2006/11/20 @ 14:24
على حد علمي من نورا، هو حاليا في زنزانة قسم ترحيلات الخليفة. سيقضي الليلة هناك على أن يفرج عنه غدا من قسم قصر النيل.
Comment by عمرو غربية — 2006/11/20 @ 23:00
لا أستطيع أن أعبر لك عن مدى حزنى لما يحدث لأقطاب المدونين أمثال أيوب وعلاء وغيرهم مما يدفعون الثمن من حريتهم وكرامتهم …أنا صدمت عند قرأتى للخبر ولكن للعلم أنا لم أستغرب ذلك فطالما أنا أدون فأنا عرضة للقمع أيا كان شكله وأوجه كلامى لأيوب
أثبت يأيوب ولا يهمك القهر للجدعان وأواعى تنكسر
وحسبى الله ونعم الوكيل
Comment by elgharep — 2006/11/21 @ 22:24
انا حزين لما يحدث فى الو طن العربى وخصوصا مصر لية؟ هو النموذج المصرى الصريح امثال نورا ورامى وايوب يحولوا انا ان يفرضوا عليهم الحصار فى كل وقت ومكان بردو لية ؟ انا مش عارف الحكومة عاوزة اية من الفرض الصريح هى دى الديمقرطية طبعا ؟ طبعا لاء … هل من الممكن ان نسكت كما يفعل البعض؟ دا القراءن و الاحاديث بتقول الساكت عن الحق شيطان اخرس؟ هى الحكومة عاوزة الشعب اخرس؟استفهامات واخرى حول الوضع فى المجتمع المصرى ؟ وكل ما اريدة هو الاجبة يا اخت نورا على الاستفهامات ايهاب دمياط
Comment by ايهاب دمياط — 2006/11/22 @ 13:34
ايهاب دمياط.. رامي دلوقتي بيتم عرضه على نيابة بلبيس حسب ما فهمت من شرقاوي وأدينا مستنيين أنه يخرج ويفهمنا بنفسه ايه اللي بيحصل
بالنسبه للحكومة فالمشكلة مش في الحكومة الحقيقة.. ما احنا لازم نشوف الحكومة دي بتيجي ازاي؟؟ مين اللي بيختار رئيس الوزراء اللي بيقوم بتشكيل الحكومة واختيار الوزراء؟؟؟ الاجابة هي رئيس الجمهورية.. يعني حبيب العادلي باق لأن أحمد نظيف لم يغيره ونظيف هو اختيار حسني مبارك
طيب لو مبارك اختار اختيارات مش عاجبانا نعمل اية؟؟
الدستور بيقول ان مجلس الشعب من حقه يسحب الثقة من الحكومة.. يعني يرفدها.. لكن لازم أغلبية تلتين المجلس تقريبا توافق على القرار ده
طبعا حبيب العادلي مش ممكن يسيب الأمور تتطور للمرحلة دي.. وبالتالي وزارة الداخلية حريصة جدا أن تلتين المجلس (بل ثلاث أرباع المجلس) يفضلوا دايما من الموالين للسلطة اللي مش هيخرجوا عن طوع الحاكم ويعملوا حركات عنترية..
طبعا ده مش معناه أن كل الناس تسكت.. رامي مثلا وقف معاه أعضاء حركة كفاية في محافظة الشرقية وحضروا معاه عرض النيابة وواخدين بالهم منه
وكمان الناس اللي اتسجنت عشان اتكلمت مبطلوش كلام بعد ما خرجوا من السجن.. أمثال شرقاوي وعلاء وغيرهم وغيرهم
المهم انك تبدأ.. هتبتدي التدوين امتى بقى؟؟
Comment by Nora — 2006/11/22 @ 15:07
كلب فى حياتنا اسمه حسنى مبارك
Comment by نkhaled sherif — 2006/11/25 @ 19:47
الشتيمة لا تفيد شيئا يا خالد.. بل قد تنتقص منك ومن الكلاب.. نحن أيضا مسئولون عن وجود حسني مبارك في حياتنا بشكل ما.. ولا ايه؟
Comment by Nora — 2006/11/25 @ 20:40
السلام عليكم
بصراحه … انا دخلت ادور على رامى لقيت الموضوع ده منشور هنا
هكتب ويارب رسالتى توصل
استاذ رامى مساء الخير …… انت فين دلوقتى عزلت ولا آيه
لى فتره مش شايفك موجود ولا حتى الدكتور بطراوى
قلت فى سرى ربنا يجعله خير
عايز اطمن عليك
وعلى راى عمنا الفجومى هما هما الكلمتين
حد ضامن يمشى أمن …………. او مأمن يمشى فين
africano _ egypt for kefaya
Comment by africano — 2008/01/21 @ 3:16
واللهى انا مش عارف هبقى ظابط بس عايش وسط الناس مدنى ولا ايه بس انا شايف ان الحكايه اكبر من كدا بكتير انا شايف منهم المخابرات يعنى انهم بيجهزوا رأفت هجان تانى بس خلاص انا زهئت وعاوز اعرف الموضوع وانا قلبى جامد مستعد للمفاجأه ومدى خطورت العمليه ارجوكم كفايه اختبارات هعديها كلها انا واثق ان انا هستحمل بس كفايه انا عاوز اجيب من الاخر لو سمحت يا عمر باشا قولى
Comment by لاباتاهيثم رأفت عبد الحميد الدش — 2008/02/19 @ 4:42