تعالوا نغنًى للحرية.. تعالوا نغنى مع الاخوان
دعوة عامة
يدعوكم التحالف الوطني من أجل الإصلاح إلى التظاهراليوم الأحد 14 أغسطس في الساعة السادسة مساء أمام دار القضاء العالي
لدعم كافة مطالب نادي القضاة وعلى رأسها الإشراف القضائي الكامل على الانتخابات الرئاسية القادمة
الشعارات المتفق عليها بين القوى السياسية المختلفة المشاركة في التحالف الوطنى هي
هاتوا اخوتنا المعتقلين هاتوا اخوتنا من الزنازين
أل ايه مجلس أمة واللي عاملينه همة
مجلس شعب دا قرع وكوسة والحرية يا ناس محبوسة
يا مجلس شعب مساء الخير وانت رئيسك ملياردير
عايزين حكومة حرة دي العيشة بقت مرة
عايزين حكومة جديدة وبقينا على الحديدة
الحرية والرغيف دولة مطلب كل شريف
الافراج عن العريان الافراج عن الاخوان
اكتب على حيطة الزنزانة الحزب الوطني عار وخيانة
عمر السجن ماغير فكرة عمر السجن ما أخر بكرة
يا عصام يا أخانا كيف السجن والسجانة
كلمة صدق وكلمة حق بنقولك يا مبارك لأ
الشعب اتهان الشعب اتذل بقت العيشة خل في خل
يلبسوا همة آخر موضة واحنا بنسكن عشرة في أوضة
الأحزاب لكل الناس والحرية لكل الشعب
يا حرية فينك فينك الطوارئ بينا ونينك
حكم العسكر بينا وبينك أمن الدولة ما بينا وبينك
سجن العقرب بينا وبينك التعذيب بينا وبينك
آه يا مصر وآه يا مصر لسة فيكي سجون وقصر
قوم يا مصري مصر دايما بتناديك خد بنصري نصري دين واجب عليك
احلف بسماها وبترابها الحزب الوطني اللي خربها
الاضراب مشروع مشروع ضد الفقر وضد الجوع
الاضراب هوة سلاحنا ضد السلطة اللي بتدبحنا
الاضراب نبوت في ايدينا والتضامن ده رايتنا
آه يا مصر …شعبك من الظلم ارتوى…وابنك من الحبس اكتوى
اكتب اكتب في الميادين ….هاتوا اخوتنا المعتقلين
يسقط يسقط الاستبداد…يسقط يسقط الاستغلال…لن يحكمنا البيت الأبيض
يا حاكمنا بالمباحث….كل الشعب بظلمك حاسس
لو تعرف حكايتنا
مصيبتنا وبلوتنا
في سياسة دولتنا
يا بلدنا
يا تكية
يا وسية
نهبوكي الحرامية
والعسكر حاكمينك
وبتسرق ملاينك
يا حاكمنا بالمباحث
كل الشعب بظلمك حاسس
مسعد قطب مات بايديكم
والغنام مات بايديكم
والزهيري مات بايديكم
وقتل نفيسة كان بايديكم
وقتل السقا كان بايديكم
بكرة حيجي الدور عليكم
ونحط الحديد في ايديكم
مسعد قطب مات وارتاح
اوعى تفكر دمك راح
بكرة نحاكم السفاح
لا تنتخبوه ….بل حاكموه
علشان نحرر القدس
لازم نحرر مصر
م اللي سارقينها
وم اللي خايننها
وم اللي ساجننها
وم اللي حاكمنها
يا مصر آه
في نادي القضاة
قضاة مصر واقفين
زي وقفة عرابي
في ميدان عابدين
لسنا عبيد لحد
لن نورث
لن نستعبد
بعد اليوم
لقد خلقنا الله أحرار
ويجب أن نعيش احرار
حركة واحدة …يد واحدة …مع قضاة مصر
لا لا للتمديد…لا لا للتوريث
مصر بلدنا للحرية….مش لعصابة من الحرامية
الحرية طريق الشعب….الحرية طريقنا الصعب
مش حنهادن مش حنلين….لحد ماييجوا المعتقلين
الله الله الله الله ……..القضاة ضد الطغاة
التغيير التغيير …..مطلب واحد للجماهير
من حقوقنا يا جماهير ……….حق النشر والتعبير
تنظيماتنا المستقلة…………ضد السلطة المستغلة
مطالبنا زي الشمس واضحة
لا لا للتمديد
لا لا للتوريث
انهاء حالة الطوارئ
الافراج عن جميع المعتقلين
لا للمحاكم العسكرية
دستور جديد للبلاد
اطلاق الحريات العامة
وقف التعذيب في السجون
رفع الحراسة عن النقابات المهنية
نقابات حرة للعمال والموظفين
حرية تشكيل الأحزاب
انهاء حكم العسكر
مش هنهادن مش حنطاطي
احنا كرهنا الصوت الواطي
حاصروا شارون متحاصروناش
ياللي بعتوا بلدنا بلاش
مش هنخاف مش هنخاف
لامن طرة ولا استئناف
السجون بتزدنا صلابة
ضد الخونة والديابة
يابن الخال يابن العم
الحرية ثمنها الدم
مصر يا أم ..ولادك أهم
دول علشانك شربوا الهم
دول يفدوكي بالروح والدم
أصل الوالي يا ناس مش داري
بهم الفقراء في الحواري
شربوا الفقرا المر سنين
يا ما ليالي باتوا جعانين
شربوا المر وشربوا القهر
وبيستلفوا طول الشهر
احنا اللي نشقى
م الصبح نلقى
خراب وسرقة
ولحد امتى؟
هيطول سكاتنا؟
ميزان العدل انقلب
والظلم زاد في البلد
ايه الحكاية؟
ايه الرواية؟
العدل فين
العدل مات
يا ظلم غور
عاشقك يا نور
يابو العيال
شايل همومك
تقل الجبال
كشكول يابويا
مصروف لاخويا
كسوة مدارس
والهم كابس
وهاجيب منين
العدل فين ….العدل مات
…بنت النيل واقفة تنادي …في الفجرية اعتقلوا ولادي…في الضهرية بنار وكوهم…في العصرية يا ناس جلدوهم
…صبرا صبرا بنت النيل …الشعب المصري شعب أصيل…بكرة أكيد هيزول الليل
No Comments »
No comments yet.
تلقيمة التعليقات على هذه التدوينة
علِّق على التدوينة