سلام واحد – بشر مختلفون
عجبني جدا العنوان.. بيلخص حاجات كتير.. ومع ذلك عجز البوستر عن تمثيل التنوع والاختلاف
من ناحية تانية هناك سيمينار يبدو دسما في مركز الدراسات الاشتراكية يوم الجمعة 3 نوفمبر بعنوان: المسألة القبطية بين الانكار والتبعية للاستعمار
تفاصيل أكثر تجدونها هنا
هاي يا نورا
أنا معجبة بمدونتك جدا، بس فيه ملحوظة، طبعا المبدأ أنا موافقة عليه، بشر مختلف وسلام واحد، وكلنا متهيالي؟
الملحوظة بقى إني كنت عملت دراسة عن الماسونية ورموزها، المهم، لقيت في اللوحة اللي انت أخدتيها وحطيتها على مدونتك بعض الرموز الماسونية، وانا بقى مش ح اقول لك ان الموضوع ده بقى كفر وكلام كده، بس الماسونية حركة سرية تدعي الدعوة للسلام، بينما هي حركة عنف بتدعم الصهيونية، وهي أحد منابتها زي ما هي أحد منابت البهائية، أنا برضه مع حق الإنسان في حرية الاعتقاد، ومع حق أنه يكتب معتقده في بطاقته على الأقل عشان ما نتخمش فيه، بس اللي اقصده ان الصورة دي ممكن تحسبك على ناس انت مش منهم عشان كده باقول لك شيليها.
على فكرة بشر مختلفون سلام واحد دي برضه من شعارتهم، وزي ما قلت لك انا مش ضد المبدأ، زي ما انا مش ضد الله أكبر ولله الحمد، بس بصيغتها بقت بتاعة الأخوان. فاهماني؟
Comment by friend — 2006/11/21 @ 7:51