سينيما مترو
في نفس المكان الذي شهد تحرشات عيد الفطر في أكتوبر 2006 ومن قبلها عيد الأضحى في يناير من نفس العام والذي يبدو أنه أصبح المقر الدائم للمتحرشين في كل عيد
ندعوكم الى عدم التخلي عن حقكم وحق بناتكم وزوجاتكم واخواتكم وصديقاتكم.. ندعوكم الى كسر حاجز الخوف والصدمة من هذا الشارع
ندعوكم الى التجمع في وقفة احتجاجية سلمية نذكر فيها رجل الشارع بمسئوليته أن يكون ايجابيا وأن يتدخل حين يرى انتهاكا يحدث أمام عينيه
ندعوكم الى وقفة سلمية نطالب فيها رجل الأمن بالعودة الى دوره الطبيعي في توفير الأمان للناس ورفع يده عن النشطاء السياسيين والنقابات والانتخابات والمجتمع المدني
ندعوكم الى وقفة سلمية أمام سينيما مترو كي تصل الرسالة الى الذين انتهكوا أجساد السيدات
الشارع لنا ومش هنسيبه
الثلاثاء 14 نوفمبر أمام سينيما مترو، الثالثة عصرا
انا مش عارفة اقول ده لمين علشان مش عارفة مين ابتدى بالدعوة للمظاهرة
عامة من فضلكوا حاولوا تخلوا ميعاد المظاهرة مش بدرى كدة فى وقت الدراسة و الشغل
على الاخص مظاهرة زى دى , بنات كتير كان نفسهم يتواجدوا لكن المعاد ماكانش مناسب, خاصة و ان دى فترة امتحانات اعمال سنة فصعب الواحد يزوغ
Comment by Ma3t — 2006/11/11 @ 15:40
عندك حق.. المعاد فعلا بدري لكن هو كويس من ناحية أنه في وقت خروج ناس من حفلة الواحدة ظهرا (ودول بيبقى أغلبهم طلبة مزوغين من المدرسة) ودخول حفلة 3 العصر..
Comment by Nora — 2006/11/11 @ 21:45
انا معك يا نورا واتمنى ليك التوفيق لانك مجتهدة
Comment by ola — 2006/11/13 @ 10:44
شكرا يا علا.. نَفَسك معانا 🙂
Comment by Nora — 2006/11/14 @ 20:40
عفارم عليكي يا نورا 🙂
عارفة يمكن يكون التعليق دا مش مناسب مع التدوينةو لكني اعتذر عن هذا , و لادري اين اكتبة
و لكن ما دفعني للكتاية هو انني شاهد حضرتك في التليفيزيون علي القناة الاولي ارضي ووجدت موضوع عن المدونين و ناداني ابي – لاني قولت اه اننيا نشئت مدونة – فطبعا تابع الامر و ايضا شاهد كيف كانوا يتكلمون بصيغة نهكم منقطعة النظير و ان دلت علي شئ فانما تدل علي اولا اتبعية العمياة ضد الارادة الحرة و مع الحكومة ثانيا علي الاستهتار ( نلاحظ انه في اي برنامج اجنبي محترم علي اي تليفيزيون اجنبي يكون المذيع قد اعد نفسة و قرأء عن الموضوع الذي سيناقشة … و لكن هذا المذيع لم يعرف حتي مستوي ثقافة بعض الشباب المصري و ا ن تجفيف المنابع لم يجدي معنا … كان – بسذاجة يتخيل – ان المدونات مبارة عن ساحات للنميمة !!!!!
لا يفهمون ان الشاب الذي ينشئ مدونة الا انه يكون صاحب فكر ( لان دي مش غرف شات زي ما هما تقريبا متوهمين )
هل يظن هذا المذيع ان العالم كلة مثل وسطهم الموبوء ام ماذا
لقد افحمتية كثيرا , و ضحكت انا و اخي علي المذيع و كمية الاحراج التي تعرض لها و بينت انه لا يفقة شئ …
بجد بجد
عجبتيني اوي
مع خالص و ارق تحياتي 🙂
Comment by شمس الدين — 2006/11/15 @ 10:33
أنا نقلت تعليقك في التدوينة الجديدة عن البرنامج يا شمس الدين وهأرد عليك هناك بقى 🙂
Comment by Nora — 2006/11/15 @ 15:31