أتتني مكالمة من مصر الآن قلبت حالي.. برقوق عيان جدا وواضح أن بقاله فترة لكن ماما مخدتش بالها! مش عارفة أكلم مصر دلوقتي لأن تليفوني الأمريكاني ماشي بأغبى نظام في التاريخ: المكالمات الواردة يتم خصمها من الرصيد واعادة الشحن في حالتي أنا مركزية.. يعني لازم واحدة اسمها روندا في سيراكيوز هي اللي تشحن تليفونات المجموعة كلها دفعة واحدة

أنا عارفة ان ماما عندها شغل وجدتي تعبانة وغير كدة أمي مالهاش في تمريض الحيوانات خااالص.. و أحمد أخويا دلوقتي في بولندا 

أصحابي، من فضلكم.. كلموا أمي ونورا سعودي وعمرو وشوفوا ازاي تقدروا تساعدوا

بجد، معتمده عليكم تماما وطبعا مش محتاجة أوصفلكم حالتي عاملة ازاي خصوصا ان معنديش معلومات كافية عن حالته