المؤتمر ده مش بس للناس اللي عارفة.. لكن كمان للناس اللي عايزة تعرف

يا ريت تشوفوا عناوين الجلسات ومواعيدها في الملفات المرفقة

تقدر تشارك في تغيير بلدنا للأفضل بأنك تزود معلوماتك

المؤتمر يعقد في نقابة الصحفيين في شارع عبد الخالق ثروت

ومش مطلوب منك تحقيق شخصية أو اعلان هويتك ولا دياولو

شوف أنت مهتم بأنهي موضوع، وروح اسمع الناس دي بتقول ايه

المؤتمر ده مهم لأن بيشارك فيه ناس من دول تانية.. مهم جدا الواحد يحس أنه مش لوحده وأن فيه ناس غيره مهتمين بنفس القضايا

فيه جلسة للفلاحين هيعرضوا فيها مشاكلهم.. وفيه كمان جلسة للعمال هيتكلموا فيها عن الأحداث الأخيرة في المصانع والمكاسب اللي قدروا يحصلوا عليها

وفيه جلسة عن انتشار التعذيب وازاي نقدر نواجهه.. وجلسة عن التدوين والمدونات.. وواحدة عن فلسطين والعراق ولبنان

وفيه كمان عروض أفلام مجانية

وسمعت أن فرقة الورشة هتقدم عرض فني في ختام المؤتمر.. ودي فرقا ممتااااازة

announcement-eng.doc

anti-torture_forum_arabic_anouncement.doc

final_schedule_arabic_english.doc

invitation_arabic_english_french.doc