كَميُونهٌ
أحاول أقناع نفسي أنه لا جديد في الأمر.. مصر كانت وستظل دولة بوليسية قمعية تحت نظام مبارك وشركاه.. وأن تعديل الدستور من عدمه مش فارق طالما الرجل المريض يتعامل مع مصر على أنها أبعدية أهله.. أحاول اقناع نفسي أنه لا جديد أيضا على المستوى الشخصي.. ماهو أنا من الأول عارفة أن هاتفي مراقب ومراسلاتي على الهواء مباشرة بدون اذن نيابة ولا دياولو.. أذكر نفسي بأن زبانية وزارة الداخلية كدة كدة يفتشون منازل الغلابة، ويسحقون آدميتهم، ويحتجزونهم في الاقسام، ويعذبونهم دون توجيه تهم محدده.. أحاول قراءة الموقف بأن سلطة الجهاز التنفيذي أصبحت مطلقة على الطبقة العليا والشريحة العليا من الطبقة الوسطى بعد التعديل، بينما هي أصلا سلطة مطلقة على الغلابة منذ عقود.. طيب مش بردو المساواة في الظلم عدل؟ أشاغل نفسي بمحاولات الاندماج في العمل أو النوم الممتد.. لا عارفة أشتغل ولا عارفة أفوق.. كل شوية أرجع أقرا أنهم يطرطرون على الدستور و أيها العسكري ماذا تفعل في فراشي؟ و صباحية مباركة يا شعب
وبما أن الأسوأ لم يأت بعد، ربما يكون الواجب من الاحتياط البحث عن كميونة تأويني مع مهيني السيد، لامؤاخذة، الرئيس
حد عنده حتة أرض مستقلة داخل الوطن؟
أنا أرض مستقلة داخل الوطن ..
Comment by وسف — 2007/03/29 @ 22:43
مدونه عظيمه جداااا ابهرني مجهودك و طريقة الكتابه العظيمه واحساسك في الكتابه ادعوك لرؤية موقعي المتواضع الذى لا يرقي لمستوى مدونتك واتشرف بمعرفتك كصديق
http://www.nourhetler2006.jeeran.com
Comment by نور العظماء — 2007/03/30 @ 2:36
بقولكو ايه فوقوا بأه انتو بتنزلو تتظاهروا جنب المغاوير بتوع الاخوان و حزب العمل و جايين تقولو ماهو النظام بيعمل و بيسوي ..
و هما حبايبكو الاخوانجية الي واخدينكو على قد عقلكو و بيضحكو عليكو في سرهم ,أو على الاقل بيتمنلوكو الهداية ,, لما الحلوين دول يبقو فوق ..
تفتكرو بأى ساعتها ممكن تنزلو تتظاهروا ضد النظام الاسلامي للدولة,, على الاقل حسني بتقدر عليه امريكا لكن دول محدش هيقدر عليهم ..
و بعدين انتو بتتعاطفو معاهم ليه ما كفاية عليهم الشارع بتاعهم و كل النقابات و الجوامع و الجامعات
ناقصيكو انتو كمان يا الي بتتصنفو مثقفين تتعاطفو معاهم ,, ليه يعني ؟؟
ده عملو لجنة سموها اللجنة الشعبية لمكافحة العلمانية ,, واخدين بالكو من شعبية دي ؟؟ موديل شيوعي
من الواضح انكم علمتوهم كتير اوي يا يساريين سكة
من الاخر
محدش يكلمني عن حرية و ديمقراطية طول ما الشارع ملك للاخوان المسلمين
بطلو الجنة الي انتو عايشين فيها دي
لو عايزين تناضلو ناضلو ضد الاخوان لغاية ما ينتهو و ساعتها لو بتفكرو شوية هتلاقو ان نظام حسني انتهى معاهم لان وجوده مرتبط بوجودهم
التعديلات الدستورية دي ف منتهى الصحة و هي بالظبط ال مصر كانت محتاجاها دلوقتي ,
حريات ايه الي انتو عايزينها ؟؟
كفاية اوي حرية ان ممكن لو واحدة مش عايزة تلبس ححجاب متلبسش
كفاية اوي حرية الصحافة و الاعلام
كفاية اوي انو لسة في كنايس في مصر
العراق بيدفع تمن حريته دلوقتي ,, عندكو استعداد يحصلنا زي الي بيحصل للعراق ؟؟
حد يجاوبني ؟؟؟
اسف على لغتي
Comment by jpjjتحوتمس — 2007/03/31 @ 4:53
لا استقلال إلا عند أبو جمال
زورونا تجدو مايسركم
حرياة استقلال انفتاح على العالم مساواة عدل تسامح
برلمان منتخب انتخاب حر مباشر
دستور حديث نباهى به الامم
وريث شرعى مش ابن حرام
خطيبته اللى هاتبقى مراته بعد كام يوم مفيش احلى وارق من كده
عاوزين ايه تانى يا غجر
تحيا الحاج
يعيش الحاج
باموت فى الحج
اموت
اموت
اموت
انا فى الحاج
Comment by ABU GAMAL — 2007/04/03 @ 15:36