منعم، اخلاء سبيل ليه؟
أصدرت نيابة أمن الدولة اليوم قرار اخلاء سبيل المدون عبد المنعم محمود بعد فترة اعتقال دامت 45 يوما ولم يتم تنفيذ قرار اخلاء السبيل بعد. ما زال منعم حتى اللحظة في سجن طرة محكوم. قرار النيابة جاء مثل قرار الاعتقال، مفاجيء وبدون أسباب
لا زلت متوجسة.. ما حدث من تهديد ووعيد مع علاء وشرقاوي وباقي المدونين والنشطاء بعد قرارات الافراج علمني ألا أفرح حتى أراهم أمامي أحرار طلقاء سليمي البدن والنفس – أعذروني لا أستطيع أن أقول الآن مبروك. لسة شوية كمان
في الحقيقة أن موازين العدل مقلوبة.. فكيف نفسر قرار اخلاء سبيل منعم؟ ان كانت النيابة قد وجدته بريئا، أو أدركت فجأة أن التهم الموجهة له هزلية، فهو وأهله الذين تم ترويعهم وقت القبض عليه يستحقون اعتذار ورد اعتبار
جميع أجهزة الدولة عليها أن تتعلم احترام الانسان وكيانه وأن فرض القيود على حرية الأشخاص مش لعبة
السيد اللواء حبيب العادلي وزير الداخلية، اعتقلت منعم ليه؟ وليه بتفرج عنه دلوقتي؟
احنا مش ملطشة
اضغط على الصورة أعلاه لقراءة تفاصيل الخبر
كلامك مهم جدا ودا اللي يخلي حملة منعم مش هتقف حتى بعد ما يروح بيتهم… بمعنى إن الخمسة واربعين يوم دول لازم النظام يتحاسب عليهم… مش هينولوها إن الموضوع يندفن ويا دار ما دخلك شر…. إحنا عملنا حملة ناجحة جدا وهنكملها لأن الهدف هو حرية الرأي والتعبير بالأساس… والهدف هو حرية وطن… وبالتالي الحملة مكملة ونكمل ضغط محلي ودولي ونطالب بالحساب… بس هو الأهمية المطلقة دلوقت هي تنفيذ قرار النيابة فورا وإن منعم يروح بيتهم وبعد كدة نشوف هنتحرك إزاي
Comment by مراقب مصري — 2007/05/31 @ 2:22
معك حق تماما فيما قولتيه
ياريتنا نفهم الحكومة دي بتفكر ازاي
بس انا اعتقد انهم مش بيفكروا اصلا !!!!
احنا بس اللي بنفكر زيادة عن اللزوم
عامة رلبنا يستر و يرجع لنا سليم البدن و النفسية
Comment by شمشمس الدين — 2007/05/31 @ 4:03
[…] Monem’s release with apprehension reflecting the amount of distrust in the Egyptian security. Nora Younis said “the release decision came as surprise like the detention order…I am still […]
Pingback by Global Voices Online » Egyptian Blogger Monem to Be Freed — 2007/05/31 @ 16:02
[…] of Monem’s release with apprehension reflecting the amount of distrust in the Egyptian security. Nora Younis said “the release decision came as surprise like the detention order…I am still apprehensive. I […]
Pingback by Blog Addicts » Egyptian blogger to be freed — 2007/05/31 @ 18:54
جميل جدا نقدر نقول مدونين عبد المنعم بدل مدونين مصريين وبلاش نفكر في قانون التامين الصحي ولا الحملة ضد تنفيذ قانون التامين الصحي الجديد الذي يراد بية بيع هيئة التامين الصحي
http://el7a2felse7a.wordpress.com/
Comment by alaphhany — 2007/06/01 @ 18:25
بدون تقليل من أهمية كافة القضايا الأخرى بدون مدونين وحرية تعبير أصلا مش هنعرف نتكلم عن قضية تانية.. أنت مش ملاحظ ان فيه ناس كتيرة ساكتة؟
بالنسبة لعبد المنعم فحريته مسئولية شخصية بالنسبة لي لأني منسقة الحملة الدولية لاطلاق سراحه
http://freemonem.cybversion.org
Comment by Nora — 2007/06/01 @ 19:33
[…] بس هما أفرجوا عنه ليه؟؟ […]
Pingback by مدونة مواطن مصر واخد على قفاه - EGYMASR - egymasr - EGY MASR - egy masr » قرار بالإفراج عن — 2007/06/02 @ 12:55
ألف الف مبروك لمنعم
وأتمنى له إن شاء الله بعد إطلاق حريته ألا يكون ما قد تعرض له ينعكس على حبه لهذا الوطن ولا يضع الوطن في نفس السله التي يضع فيها السلطة ويعمل بقول شاعرنا احمد فؤاد نجم
ولو يحبسوني ولو يشنقوني
ولو فكروا بالعذاب يبعدوني
هاقرب وأقرب ومش ممكن أهرب
وتنزل دموعي على خدودي تشرب
تلاقي الرموش والخدود والمباسم مراسم
صورتك عليهم يامصر
بحبك بحبك بحبك يامصر
مسايا وصباحي أسبح بحبك
وحبك شفايا وجراحي يامصر
ثانياً
اتمنى أن تشرفيني في مدونتي أنا عامل حفلة كده على الضيق عازم فيها
كل حبايبنا ومفيش داعي تكلفي نفسك وتجيبي إي حاجه معاكي كفاية وجودك في مدونتي هاينورها ويشرفها
حسن ارابيسك
Comment by Hassan Arabesc — 2007/06/04 @ 17:18