حتى أنت يا بروتس؟
فرنسا تصدر قانونا ضد الصحافة الشعبية وحرية تداول المعلومات
أقر المجلس الدستوري الفرنسي قانونا لتجريم نشر أي فيديو يحتوي مشاهد عنيفه الا اذا كان المصور اعلاميا محترف!!! القانون يحظر على المدونين وشهود العيان الفرنسيين تصوير ونشر فيديوهات تعذيب أو تعديات الشرطة على المواطنين ويعرضهم لعقوبة تصل الى خمس سنوات في السجن وغرامة 75000 يورو.. القانون اقترحه وزير الداخلية نيكولاس سركوزي
لو مراسلون بلا حدود اكتفت ببيان من اياهم والقانون عدى في فرنسا تبقى مصيبة على دماغنا كلنا
France bans citizen journalists from reporting violence By Peter Sayer, IDG News Service
The French Constitutional Council has approved a law that criminalizes the filming or broadcasting of acts of violence by people other than professional journalists. The law could lead to the imprisonment of eyewitnesses who film acts of police violence, or operators of Web sites publishing the images, one French civil liberties group warned on Tuesday.
The council chose an unfortunate anniversary to publish its decision approving the law, which came exactly 16 years after Los Angeles police officers beating Rodney King were filmed by amateur videographer George Holliday on the night of March 3, 1991. The officers’ acquittal at the end on April 29, 1992 sparked riots in Los Angeles.
If Holliday were to film a similar scene of violence in France today, he could end up in prison as a result of the new law, said Pascal Cohet, a spokesman for French online civil liberties group Odebi. And anyone publishing such images could face up to five years in prison and a fine of €75,000 (US$98,537), potentially a harsher sentence than that for committing the violent act.
Senators and members of the National Assembly had asked the council to rule on the constitutionality of six articles of the Law relating to the prevention of delinquency. The articles dealt with information sharing by social workers, and reduced sentences for minors. The council recommended one minor change, to reconcile conflicting amendments voted in parliament. The law, proposed by Minister of the Interior Nicolas Sarkozy, is intended to clamp down on a wide range of public order offenses. During parliamentary debate of the law, government representatives said the offense of filming or distributing films of acts of violence targets the practice of “happy slapping,” in which a violent attack is filmed by an accomplice, typically with a camera phone, for the amusement of the attacker’s friends.
The broad drafting of the law so as to criminalize the activities of citizen journalists unrelated to the perpetrators of violent acts is no accident, but rather a deliberate decision by the authorities, said Cohet. He is concerned that the law, and others still being debated, will lead to the creation of a parallel judicial system controlling the publication of information on the Internet.
The government has also proposed a certification system for Web sites, blog hosters, mobile-phone operators and Internet service providers, identifying them as government-approved sources of information if they adhere to certain rules. The journalists’ organization Reporters Without Borders, which campaigns for a free press, has warned that such a system could lead to excessive self censorship as organizations worried about losing their certification suppress certain stories.
أنا بس مستغرب وباسأل ما جدوي استصدار هذا القانون في بلد عريق في التنوير والعلمانية وحقوق الانسان الخ مثل فرنسا؟
يعني لو اتقدم عندنا قانون زي ده هأقول انه نتاج طبيعي الي حد ما لثقافة المجتمع، إنما فرنسا!!! وإيه تعريف المصور المحترف بالمناسبة؟؟
Comment by Mukhtar El Azizi — 2007/03/07 @ 10:22
الحمد لله
فيديوهات التعذيب عندنا بيصورها الظباط
يعني تبقى جريمة تعذيب وتصوير
بس المشكلة بقى في اللي بينشروا …
Comment by وائل عباس — 2007/03/07 @ 11:34
أعتقد أنه المصور اللي شغلته التصوير.. زي مثلا بتوع القناة الأولى وقناة النيل للاخبار وقناة الجزيرة.. الخ
Comment by Nora — 2007/03/07 @ 15:32
احنا ناقصين!
عندنا هيتلقفوا الموضوع دا بفرحة القرد. الخرافة الشعبية السائدة عندنا أصلا أن الواحد علشان يصور في الشارع يحتاج تصريح!!
المشكلة كمان أن عتاولة تفصيل القوانين عندنا بيعتبروا القانون الفرنسي مقدس. و بيستخدموه لتبرير حاجات زي مثلا أن الدستور الفرنسي لا يوجد فيه تحديد لمدة الرياسةن و حاجات ثانية كثير.
Comment by ألف — 2007/03/07 @ 18:21
فرنسا من أسوأ الدول في حرية التعبير على الانترنت و عشان كده لما السادة مراسلون بلا حدود حطوا مصر في قائمة أعداء الانترنت كان الموضوع مسخرة.
فرنسا المحاكم عندها يوميا بتحكم بحجب مواقع و كل موفري الخدمة ملتزمين أنهم يسمعوا الكلام و الا (ده غير أن لحد قريب الدولة كانت متحكمة تحكم شبه تام في البنية التحتية و سوق المعلومات عن طريق شركة فرانس تيليكوم).
مؤخرا حكم محكمة بحجب موقع عليه خريطة لأماكن زراعة محاصيل معدلة جينيا،الحجة لمنع الارهابيين البيئيين من أنهم يعرفوا الحاجات دي فين لحسن يحرقوا الحقول (على أساس يعني أن الارهابيين مبيعرفوش يكسروا البروكسي و كده).
أيام حريق باريس الشباب المشارك عمل مدونات عديدة (في خدمات شبه مايسبيس لكن محلية) يعبر فيها عن نفسه، كان ممكن بل كان ضروري المجتمع الفرنسي كله يدخل يقرأ المدونات دي و يحاول يفهم ايه اللي يخلي جيل على بعضه يثور لدرجة تخريب كل ما حوله بالشكل ده، لكن طبعا اللي تم أنهم قفلوا المدونات بحجة أنها فيها خطاب عنصري.
أما البوليس الفرنسي فحدث ولا حرج، صحيح موصلش لدرجة بلطجة البوليس المصري، بس مش بعيدة عنه، بيقوف أي حد مش عاجبه تحري و بيخطف و يعذب براحته برضه و بعد الحرب على الارهاب المسألة زادت.
يا جماعة مصر سباقة و الحكومة بتاعتنا لما بتتكلم عن الريادة مش بتهرج، العالم كله ماشي في سكتنا، من أول أمريكا اللي بقى عندها معتقلات زي بتاعتنا و بتسجل المكالمات من غير اذن قضائي زي عندنا مرورا بفرنسا اللي هتطلب كارنيه نقابة عشان يتسمحلك تصور و بعدها ايطاليا اللي مجرم قانونا فيها أنك تسمح لحد يدخل النت من غير ما يتعرف هويته و يحبسوك لو سيبت النت اللاسلكي مفتوح للعامة و النت كافيه بتصور باسبورك لحد انجلترا اللي بتناقش قانون ازدراء أديان.
انما أنا شايف أن الاسلاميين خطر قوي
Comment by Alaa — 2007/03/07 @ 20:04
الموقع ال حجبته الحكومة الفرنسية لنشره خريطة المحاصيل المعدلة جينيا كان موقع السلام الأخضر، ال البحرية الفرنسية برضو كانت فجرت لهم سفينة في البحار الجنوبية زمان.
“يا جماعة مصر سباقة و الحكومة بتاعتنا لما بتتكلم عن الريادة مش بتهرج
و دي كمان مصيبة..أن حتى النماذج ال كنا بندلل على نجاح احترام الحريات فيها بتتحول إلى دول بوليسية.
لكن على الاقل هم متخيلين السيناريوهات دي من زمان و عبروا عنها كثير في الأدب و الفنون و النقاشات العامة، و عندهم في الوعي الجمعي و لو هواجس صغيرة منها و من خطرها.
إنما احنا ما عندناش و مسلِّمين نفسنا و بنبرر التعذيب و الاعتقال و التنصت و الرقابة و الحجب لما يكون ضحاياهم مش عاجبينا!
نسيت كمان بريطانيا. هم يناقشون إصدار هويات للمواطنين، ستطبق في المرحلة الأولى على الأجانب و مكتسبي الجنسية، و لاحقا على المواطنين. يعني لو شكلك مش إنجليزي هتتبهدل.
السبب في رأيي في التحولات دي، أن المجتمعات الأوربية ال قدرت توصل بعد زمن طويل من حروب و تغيرات اجتماعية و سياسية إلى صيغة مدنية توازن ما بين حرية الفرد و الجماعة، لقت أن نظمها دي بيستغلها ناس هم نفسهم هربانين من اضهاد حكوماتهم علشان يحاربوا حكومات الدول ال لجأوا لها، و المجتمعات ال ما قدروش يندمجوا فيها.
Comment by ألف — 2007/03/07 @ 20:45
مافيش حتى انت يا بروتس
ده القانون ده ما يطلعش في اوروبا ابدا غير من فرنسا نظام عنصري ومتخلف مين قال ان فرنسا مع الحريات وللا فيهاحريات؟
Comment by نوارة — 2007/03/07 @ 22:32
والله فعلا لو الموضوع ا عدي في فرنسا تبقي وكسة
بس تتكري ان الوزير الل جاتله الجراة انه يعرض موضوع زي دا في بلد علماني زي فرنسا
مش متاكد انه هياخد موافقة علي القانون
ربنا يستر علينا فعلا
Comment by ادم المصري — 2007/03/08 @ 1:59
يعني يا ألف موافقني أن الاسلاميين خطر قوي على الحرية و الديمقراطية؟
Comment by Alaa — 2007/03/08 @ 2:03
اعتقد ان القانون ده هيتطبق في مصر قريب علشان يرضي حبيب باشا العادلي واعوانه طبعا هتستغربي من ردي بس مش مهم
Comment by كبير المتشردين — 2007/03/08 @ 2:13
علاء، أعتقد – كما قرأت في مقال في الإيكونوميست تقريبا أثناء هوجة رسوم الدنمارك – إن انجلترا فعلا فيها قانون ازدراء المسيحية (أو إله المسيحيين) ولكنه غير مفعّل. وباردو أنا مفهمتش يعني إيه غير مفعّل دي
Comment by Mukhtar El Azizi — 2007/03/08 @ 13:01
ونسيت أقول إن في موضوع سلمان رشدي كانت المحاكم البريطانية رفضت دعوي لمحاكمته علي أساس خلو السند القانوني في قانون انجلترا لأن النص عندهم مقتصر علي “إله المسيحيين” بحسب ما أذكر الألفاظ التي قرأتها.
Comment by Mukhtar El Azizi — 2007/03/08 @ 13:14
ازغرد يا ختشي
المعارضة اخيرا اتفقت على حاجة
عاملين بيان مشترك ضد التعديلات الدستورية
اللنك بتاعه اهه
http://www.petitiononline.com/kxqf4436/petition.html
والنبي الله لا يسيئك تلمي عليه توقيعات على قد ما تقدري يا نورا
سلام يا قمر
Comment by نوارة نجم — 2007/03/09 @ 7:32
هناك نص يلم بخلفيات استصدار هذا القانون و يوضح سبب قلة اهتمام المدونين الفرنسيين بخطورته:
http://english.ohmynews.com/ArticleView/article_view.asp?menu=A11100&no=349093&rel_no=1&back_url
لقد كتبت أيضا مقالا حول هذا الموضوع على موقع أصوات عالمية:
http://www.globalvoicesonline.org/2007/03/07/march-of-the-censors-france-turkey-and-china-clamp-down-on-freedom-of-speech/
Comment by سامي — 2007/03/09 @ 13:19
انا شايف ان فرنسا لما تعمل قانون زي دا يبقي شيئ عادي حد يقول لية
(اقولوكوا انا لية وامري لله ) لان اصلا مافيش اي حرية في اي دولة في العالم 100في ال100 والكلام الي بتقولوا فرنسا وامريكا وكل الدول الغربية عن الحرية دا كلام فاضي يعني منظرة وخلاص واهي موضة كانت طلعت في العالم وطلعتها فرنسا زي مهي بطلع اي موضة بس الظاهر ان الموضة دي بطلتت
Comment by skyhawk — 2007/03/12 @ 12:50
al mafrood makontsh te2oly la2nhoom makonosh 7ay3rfooooo hen al klaaam daaaa
Comment by احمد الحداد — 2007/03/12 @ 13:00
القصاص لأرواح شهداءنا من الاسرى
Comment by نوارة نجم — 2007/03/12 @ 22:05